Shëndeti i Mbretit Charles përkeqësohet: Pallati fillon përgatitjet për funeralin

Anglia ka qenë në qendër të vëmendjes për një kohë të gjatë për shkak të lajmeve që lidhen me shëndetin e Mbretit Charles dhe Kate Middleton. Pas një periudhe të shkurtër në fron, Mbreti Charles u diagnostikua me kancer, dhe fillimisht u raportua se gjendja e tij po përmirësohej. Megjithatë, burime pranë pallatit mbretëror kanë deklaruar se mbreti është drejt fundit dhe përgatitjet për funeralin kanë nisur.

Sipas këtyre burimeve, edhe pse pallati po krijon përshtypjen se Mbreti Charles është në përmirësim, në të vërtetë ai është ende shumë i sëmurë. Mbreti vazhdon të kryejë detyrat e tij publike, por koha e qëndrimit në aktivitetet publike është shkurtuar dhe shpeshherë ai udhëton me helikopter për të marrë pjesë në to. Për shkak të përkeqësimit të sëmundjes, detyrat mbretërore po bëhen gjithnjë e më të vështira për t'u përballuar.

Pallati mbretëror ka filluar të përgatitet për funeralin, që është koduar si "Operacioni Menai Bridge." Në Britaninë e Madhe është traditë që ceremonitë funerale të monarkëve të kenë një emër të koduar, siç ishte rasti i "Operacionit London Bridge" për funeralin e Mbretëreshës Elizabeth II.

Sipas një deklarate të Buckingham Palace, gjatë një trajtimi për zgjerim të prostatës në fillim të janarit, u vërejt një shenjë shqetësuese, dhe pas testeve të mëtejshme, Mbreti u diagnostikua me një lloj kanceri. Ai tani ndjek një program të rregullt trajtimi, dhe mjekët i kanë këshilluar të reduktojë daljet publike, megjithatë Mbreti shpreh dëshirën për t'u rikthyer në detyrat e tij sa më shpejt të jetë e mundur./bota-islame.com